Seinte Mari moder milde (1995)

Seinte Mari moder milde,
      Mater salutaris;
Feirest flour of eni felde
      Vere nuncuparis.
Thorou ihesu crist thou were wid child;
Thou bring me of my thouhtes wilde
      Potente,
That maket me to dethe tee
      Repente.

Mi thounc is wilde as is the ro
      Luto gratulante.
Ho werchet me ful muchel wo
      Illaque favente.
Bote yef he wole wende me fro,
Ic wene myn herte breket a two
      Fervore
Ic am ifaiht bo day ant naiht
      Dolore.

Suete levedi, flour of all,
      Vere consolatrix,
Thou be myn help that I ne fall,
      Cunctis reparatrix!
Mildest quene ant best icorn,
Niht ant day thou be me forn
      Precantis!
Yef me grace to see thi face
      Infantis!